ليلة العيد

ليلة العيد طلّت لكن الهم عيد
آه يا ويل عيني كان عيدي وهم

من تركني حبيبي والمواجع تزيد
مكّن الخوف منّي وبدل الهم بهم!!

في بعاده وقربه هم قلبي اكيد
(مدري) وشلون أحبّه لكن إن الاهم!!

إن شوقي ملكني والجفا ..ما يفيد..
والحزن في غيابه صار أشهم شهم!!!

هو صحيح إن شكّه..زل..والحب..قيد!!
وأتبع الظن شكّه من هدوئي ..تهم..!!

لكن اني اعذره والغلا فالوريد
أفهمه من غلاه ولوّ ما ينفهم

اه ياذل دمعي من عواذل تكيد
اقتنع بالتمادي والسبب كذبهم

كان (أبعد قريب)!وصار (أقرب بعييد)!
والفضل في غيابه يرجع لكيدهم..

اه يا قل صبري اه يا شبه عيد
اه يا كود عمري (دون عمري)وهم!!

هو صحيح ان همي من شكوكه يزيد
بس راضي بهمٍ أكّد اني مهم!!