سعــوديــة وأخااااف الله!!!

سؤالك..غامض ولكن سهل حله
وخذ بعد السلام المحترم .. ردي

سعوديه انا يعني..اخاف الله!!!
وجميعيّه..ترا يعني افي بوعدي!!

ونجديه .. حلايا صعبه تملّه
مهو اية حلا لكن حلا نجدي..!

تثق فيني لاني اتبع المله..,,..
مهو حسب احتياجاتي يجي ودي!!!!!

اذا قلبك يخاف من الغلا ..قلّه:
(سعوديه) ترا يعني غلا وردي

اذا تبغى دلع تلقى الدلع كله
واذا تبغى حنان (اسكن دفا يدي)

واذا تبغى وفا ما يخذلك ظله
بتلقابي وفا (اوفى من الجندي)

ابي من دنيتي حقي وابوصله
وباخذ ياغلا حقي بعرق جهدي

وابي من فارسي لامن نوى حلّة
يحط السيف بعد اسفاره بغمدي!

يحط قلبه على قلبي وانا خله
باحط قلبي على قلبه وذا وعدي

احب الصدق واحيابه (ولا اادله)
طريق (يظن به يجدي ولا يجدي) !!

واذا ظنك فؤادي خاينٍ خله!!
انا (مااخدع) ولكن ذا معك حدي!!

انا وش لي بشخص يحرّف الزلّه..
من اتغلى .. الى اخلف معه عهدي !

سؤالك غامض ولكن فشل ظله
(بحجب شعاع شكك) في صدق ودي

((سعوديه انا )) يعني اخاف الله..!
ونجدية كذا يعني ..(((افي بوعدي)))!

و(جميعية تثق فيني) بلا علّه..
ذكيّه ووافيه وصدقي..سهم ضدي!!

تم التعديل : مي بنت عبدالرحمن