الله معاقبني

أحط يدي على قلبي وأقول اليوم يرجعلي
حبيبك لا تحن أكثر ؟؟! ترا شوقك يتعبني!!!!

اطبطب نبضتك واكذب بيجيله يوم وِ..يحن لي
وانا خايف على نبضك (نسيت آخاف من جفني)!

يخاف انه ينام بوقت (وفي هالوقت يرسلي)
يروح الليل ويقبل ليل(ولا هو سآئلٍ عني)!

علي بسمه علي نظره كئيبه سارحه بذلي
كأن ايتام هالعالم غزوا واستوطنوا حزني!

أقول الوضع ما يسمح يغيب ولكن احسن لي!!
عشان الشوق يطق بابه!وينتابه!ويذكرني!

يجي من لهفته يركض !ويحضن بالخطا ظلي!
اشوفه وابتسم وآقول: انا مشغوووله إعذرني؟!

وفي عيني لو يدقّق(كتبت اشتقتلك واللي:
خلقني وفيك يا قاسي ..على اخطائي يعاقبني)..!

على ْغروري على طيشي على سهواتي وجهلي
وعشان اشخاص يحبوني وأعذبهم تعذبني/

بيوم ألعنك..ويوم اعذرك..ويوم اعشق معك كلي!!
و ..يوم.. أذكر معنة البشر ويي وألعني!!

انا من جبتها لنفسي..وطعته قلب (يذعن لي)!!
خطا مني ولا لي عذر..أطاوع من يطاوعني!!

أنا من طاعها ألف ..أطاوع لهفتي وذلي؟؟!
انا من تكتم أنفاس الرذيله (حب يضعفني)؟؟!

تدور الدنيا ماتوقف على ذا الحال ياخلي؟!
وبيجيلك يوم وتعقب مثل مالله معقبني!!!