ي صدري اللي ذقّت حر التناهيد
و الهم و الآلآم و الحِزن حسرَه !
ف الوقت تشبه لك عتيم المواعيد
ما تستفيد الا من الصوت زفرَه !
تدري متى حسيت في ليلة العيد
يوم المدامع جادت ب كل قطرَه !
أركّت على صدري جمُوع و مفاريد
ما همها لو قيِل بسمه و عبرَه !
العام كان الحَرف يمطر على البيد
ديمومةٍ فيها من الفقد نبرَه !
و اليوم حال الحرف محبوس في قيد
يرجي نزول الغيث من شان نظرَه !
ما باقي الا بيت شعر و عناقيد
و إن كان جفْ الحبر لا عاد تشرَه !
يمكِن تزول صدوف الايام و تحيِد
و يمكن يزيد الحزن في كِل كرَه !
معشوقتي نسمة هواها تغاريد
ما تنوصِف ي كود ب حظور مُهرَه !
تملك عروق القلب من غير تحديد
حِبٍ يزود و لا نقص منه شعرَه !
لنّه على ما قيل مآلك هوى الغيد
أحب فِيه الناس و الناس حذرَهْ !
و تدري متى حسيت في ليلة العيد
يوم المدامع جادت ب كل قطرَه !
فقدت حسّه و إمتلى الجو تنكيد
في حينها أعلنت موتي ب سكرَه !
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.