بالاحلام..يرقصنا!!!

سنين العمر تسرقنا وتسبقنا ولا ندري
يزيد العمر لكنه معا زوده ينقصنا

يمنينا الامل نحلم ونحلم تونا بدري
ينسينا نهايتننا وبالاحلام يرقصنا

نقلب صفحة الايام وبالايام اندثري
وخطي يامشاكلنا بدفاترنا تنغصنا

نحاول بالعطر نخفي روايح وضعنا المزري
واخفاء الامور اصبح ياحااااسدنا تخصصنا!!

وعلى اللاوعي وباخلاص يااعدائنا انقهري
على الجهل العظيم اللي غدرفينا و ارخصنا!!

على الاصلاح مانقوى ولكن نقوى نستعري!!
وتفانينا بتخلفنا عسى هالرب يحرصنا

رفعنا راية الميلاد وخّنا ثورة الهجري
تفرعنا بتطورنا وتطورنا يلخصنا

توابع وين ما المتبوع يسري طبعا بنسري
ولا نسأل ولا نفهم يكفينا تلصصنا!!

يمنينا الامل نحلم ونحلم بعدنا بدري
وملعون الاصل ابليس بالاحلام يرقصنا

سنين العمر تتسابق ونتسابق ولا ندري
يزيد العمر لكنه مع زوده ينقصنا