بشكي على اللي يعشق الجود ويهمه - مفرس فارس الدغفلي

بشكي على اللي يعشق الجود ويهمه
شهم وكريم وشجيع ومنزله عالي

تلقاه عون الصديق اللي نصا يمّه
مثل الجمل لابرك للحمل شيالي

يابو بدر لوعت الايام ملتمه
غاراتها يمّنا في كل الاحوالي

عزي لمن كثر دينه واشغله همه
الهم يصلاه بالاقفا والاقبالي

ماكنه الا اليتيم اللي على عمه
أقشر من اليوم الاول يومه التالي

وامسى وعلماً يهوجس فيه ماتمه
واليوم الاخر يعيد احداث ماقالي

اشوف شيخاً كبير الراس والعمه
والناس حوله تشوف الوان واشكالي

والشيخ غايب ضمير وهافي الذمه
حطيت بيني وبينه مخرماً خالي

مدري متى عن سمانا تنقشع غمه
وأعرف منهو مخاويني ويبرالي

وياهل المصالح متى واذانكم صمه
ترى التستر جريمه والشرف غالي

الشاعر مفرس بن فارس الدغفلي

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلاّ نادراً.
  • للتواصل مع ادارة موقع الشعر إضغط هنا.
© 2021 - موقع الشعر