يافهيـد سيـر للرياحـي وقـلـه - مفرس فارس الدغفلي

يافهيد سير للرياحي وقله
يوم انت جاره درفت الباب فالباب

ابوفهد ماهو خفي(ن) محله
بين وتنصاه الرفاقه والاجناب

لو ان ماهو كل عقد(ن) يحله
ماصحت له بالصوت وأرسلت نجاب

العلم نصيناه دقه وجله
ينصى شديد شوق وضاح الانياب

يفزع بعلم(ن) حان وقته وحله
المنحه الي سكرو دونها الباب

عشرين عام وعلمها في سجله
مثل مريض(ن) لاتوفى ولا طاب

ان قام فيها جابها مستقله
مافي شك وراعي الحق طلاب

مير البلاء انه يعتذر ويحصله
بعض الظروف وتنقطع كل الاسباب

جعل السحاب الي رشاشه يهله
يزل وادي عريض ماهل صباب

قسم الضعوف الي شعيبه ممله
من شان حضه دق له فيه منساب

يابوفهد بعض المنازل مذله
خسران من ودى وخسران من جاب

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلاّ نادراً.
  • للتواصل مع ادارة موقع الشعر إضغط هنا.
© 2021 - موقع الشعر