ضحكه الوسمي - مطلق بن شويه

تهنّفي بشويش ياشيخة الغيد
ياما عليك أتوق ياما و ياما

قدمْك لا قبّل ثرا القاع والحيد
خطوه على غيمه وخطوه على ( على ما )

تشربك الارض وترتويك العناقيد
لين الغصون من الهبايب تواما

ياضحكة الوسمي على غرّة البيد
لا قام ضحضاح السراب إيتزاما

ميلي بعودك للقاء والمواعيد
وأعتدلي بطاري مواصل و لاما

وتسامي وعدّي حدود التقاليد
وأنا بصافح راحتك وآتساااااما

ننثر تباريح الوله والتناهيد
ونجمع سواليف النفل والخزاما

قبلة حلا كلّك من الإيد للإيد
ديمومةٍ منّها الجمال إيتهاما

إطلالتك ماكنّها الاّ ضحا العيد
لا لاح نوره في عيون اليتاما

لو ينكشف صبحك من الراس للجيد
ويبين ليلٍ للهبوب إيتراما

واللّي خلقني ماني بمطلق عبيد
إن كان ماضاعت علوم النشاما

© 2024 - موقع الشعر