سر الغرام

لـ مطلع الشمس، ، في غير مُحدد

سر الغرام - مطلع الشمس

كني خطا جيتك وقلبي أحمله
حالي شغوف ولا تناظر لهفتي

سر الغرام اللي بقلبي تجهله
وانته غرامك في حشايه ومهجتي

انا عطيتك من غرامي أجمله
وانته ولا حتى تحس بلوعتي

لو كان تدري بلي قلبي يحمله
حب صدوق وانت عمري ومنيتي

حب وفي لك اقوله وارسله
عبر الحروف وينقرا في نظرتي

ليلي سهر..ليلي حزن ما أطوله
لولا طيوفك به تخفف علتي

أسمع صدى صوتك وقلبي يسأله
والقى ردودك هي عذابي وحيرتي

رجواك انا رجوى الليالي المقبله
خل السعاده تبتسم في دنيتي

© 2022 - موقع الشعر