العام الجديد

عسى عامك سعاده وحب وتفرح بالهنا كلّه
وكل الدنيا تضحك لك وتسعد يا نظير العين

عسى العام الجديد أحلى ونقطف ورده وفلّه
ترافقنا السعاده والعمر يبقى لنا عمرين

إذا قالوا تحبه قلت كل العمر هو والله
انا مخلوق لعيونه وهو بعيوني الثنتين

إذا ما أسمعك لحظه أحس القلب متولّه
واشوف الناس بعيوني سراب وملتقاههم شين

أحاول ألتقي بطيفك وأسامح لو بدت زلّه
أسهّر قلبي وعيني إلى حد النهار يبين

اكلّم وردتي الحمرا وهي بالنود مبتلّه
أطرشها لجل عينك وياخذها نسيم العين

ينام السعد في حضني واتشافى من العلّه
اذا صوتك وصل سمعي أحس أن الزمان يزين

أنا من لي بهالدينا أعيش العمر في ظلّه
عسى العام الجديد أحلى عسى يتجمع القلبين