فــــ العام الجديد..

إذكرينى..فى بوكيه ورد..
 
أغنيه..
 
أمنيه..
 
فى بطاقة عيد..
 
 
ف العام الجديد..
 
 
إذكرينى ف اللى ينكسر من ظل
 
 
ف البسمه ليما تنتشى..
 
فى عيون الكل
 
 
وليما تختال السما..
 
 
نور..
 
 
وياسمين..
 
 
وفلّ..
 
ويجن السهر تغريد
 
 
إذكرى هاللحظه إنى
 
من بعد عينك شريد...
 
ف العام الجديد..
 
العام جهّزنا سوى لراس السنه
 
 
وإخترنا الورود..
 
وكروت التهانى..
 
قعدنا كم يوم نكتب..
 
أسامى المعازيم,
 
الهدايا,
 
المحلات اللى بنمرّها..
 
والأغانى
 
وقعدنا كم يوم نحلم
 
ونزيّن الشوق
 
وننضّر عيون الأمانى
 
وقعدنا كم يوم نرسم
 
 
وشكثر باكر سعيد
 
 
ف العام الجديد!
 
 
هالسنه وإنتى بعيد
 
إذكرينى..
 
 
ف الشموع اللى تشب وتنطفى
 
ف الليل ليما يحتفى بالناس
 
 
وبراس السنه..
 
وف اللى ينفتح من صفحات بيضا
 
 
آخر الكراس
 
 
وليما يلتقى ف الساعه ثنعش
 
 
إحساس دافى فى شغب أنفاس..
 
إذكرى هاللحظه إنى..
 
 
حيل بردان ووحيد...
 
 
 
ف العام الجديد..