لمَّحــت لك

قلبي عليل وقلبك اصحيح
يسرح ويمرح بالتسالي

ما حس بجروح المجاريح
ولا ذاق همِّي وانشغالي

بين الوناسه والتفاريح
والفكر م الليعات خالي

وانا وقلبي في تباريح
نتبع وَهَمْ عسر المنالي

كل ما نصحته آزم يصيح
ماله على الصبر احتمالي

خايف عليه بسده يبيح
والحب تعصف به اليالي

لمَّحت لك مليون تلميحل
انَك عزيز وشخص غالي

وصرَّحتْ لك في الشعر تصريحل
وانته ولا عندك مجالي

ما بين متردد ونصِّيح
عايش هواك ولا تبالي

صدق الوعود يشلّها الريح
والله يعلم بالتوالي