خطاك الشر

خطاك الشر يا عمري خطاك
عسى عمرك تفاريح وربيع

وِتِصْحَبكْ السلامه في خٌطاك
وفال السعد لك دايم رِبِيْع

ترى مالي هوى إلاَّهواك
أنا احبك ومن غيرك أضيع

حبيبي ومطلبي دايم رضاك
صوابك ضيَّق الكون الوسيع

أحبك يا عسى عمري فداك
وشانك يالغلا عندي رفيع

تأثَّرت بصوابك من غلاك
وعشت بحسرتي مثل الوديع

أصبِّر قلبي وفكري معاك
أهوجس فيك يا حلمي البديع

أطرِّش لك خيالي في مساك
يطمِّني وبعلومك يذيع