انسحاب

أعلنت لك حبِّي وتالي انسحابي
من قلبك القاسي وقلبي جبرته

حبٍ عفيفٍ وافيٍ ما يعابي
حبٍ كتمته وسط جوفي وصنته

علَّقتْ فيه آمال عمري وشبابي
ياما تمنّيته وياما انتظرته

حبٍ سكن ما بين جفني وهدابي
واللَّه ما تتصوِّره لو صفته

لا واعذابي في الضماير سطابي
بيدي حييته ثم تالي دفنته

إنته معاناتي وسبِّةْ عذابي
وانته الذي فرحي ونومي سرقته

ضحّيت لعيونك وسكَّرت بابي
عن شوف غيرك والغرام احتضرته

رسمت لك لوحه وصارت سرابي
وبيّنت لك خافي شعورٍ كتمته

هذي النهايه يا مسبِّب صوابي
سامحك ربَّي في فوادٍ حرقته