بنت العز

أنا بنت العز لي طبعٍ مفنَّد
عن جميع الخود لي حزت المعاني

أسمٍ ورسمٍ ولي اخلاق تحمد
هامتي في الأرض والعليا مكاني

بنت ابويه وعزّنا مجدٍ مخلَّد
ذايعين الصيت من قدرٍ وشاني

لي اخْوِيَا شمَّا كما السيف المهند
شفّهم للعز والأوطان باني

والحقير اللي على نفسه تمرَّد
أحقره وما همِّني واشي وداني

لي حبيبٍ شهم في قلبي تسيَّد
مالكٍ عقلي ولا أعتاض ثاني

سيِّدي والقلب في حبه مقيّد
له محبه راسخه داخل كياني

هو سليل المجد قيدومٍ ممجَّد
من سلالةْ قوم وافين المعاني

تنظره عيني وعن غيره تردَّد
واحمد الله يوم ربِّي به حباني

والولا والعهد والطاعه أجدد
للحبيب اللي سكن قلبي وعياني

هو ضيا عيوني ولو يقرب ويبعد
راضي بحبه وهو أغلى الأماني

ومن نظر للشمس كود انّه بيجهد
طول عمره من ليهبها بايعاني

ومطلع الشمس اسم..عن غيره تفنَّد
نايفٍ قدري وفي الجوزا مكاني