الاوله يا الله يا خير مزهوم

الاوله يا الله يا خير مزهوم
يا من توكلنا عليه وعبدنا

تجعل تجمعنا موفق ومرحوم
وتنصر حكومتناو تحفظ بلدنا

والثانية عندي من الشعر منضوم
شعر نضمنا قافيته وقصدنا

في موقف يشتاق له كل شغموم
واقف شرف واهل الشرف في وعدنا

يوم تلاقا فيه حاكم ومحكوم
والرابطه شي عليه استندنا

الرابطه شي صريح ومفهوم
حب وغلا ما احد عليه انتقدنا

ولولا الغلا اللي ماله حدود ورقوم
ما ذي بكثرتنا وهذا عددنا

فا اهلا وسهلا عد ما ينشي غيوم
غيوم صيف تنثر الما من ادنا

والف نردد مرحبا دايم الدوم
يا اعز من شد الرحال وقصدنا

الله يحييكم ويجعلكم سلوم
باسما مشايخنا وباسما عمدنا

تشريفكم بيشه واهل بيشه اليوم
يجيبنا معناه لو ما نشدنا

نشكر مساعيكم لما قام ويقوم
ونعجز عن التعبير مهما اجتهدنا

يا اميرنا خالد سند كل مظلوم
يا مجدنا يا عزنا يا سعدنا

الحفل حفلك وانت عازم ومعزوم
وحنا الضيوف اللي عليكم وفدنا

انت الامير اللي لك المدح مقسوم
وانت الذي كل عليك يحسدنا

وانت الحكيم اللي على رايك نقوم
والشاعر اللي فدتنا واستفدنا

ونايبكم الغالي عزيز ومحشوم
والكل منكم لا طلبنا وجدنا

نمشي على خط قديم ومرسوم
وعلى محبتكم نربي ولدنا

ومهما يبثون الاعادي من علوم
لاما تفرقت الشعوب اتحدنا

حنا يد وحده على شرع وسلوم
ولا يخون بلاده الا المهدنا

من غير امر يا دايم السيف ابو شوم
بلغ تحيات اهل بيشه فهدنا

الحاكم اللي ما اهتنت عينه النوم
يرعى مصالحنا وياخذ بيدنا

وولي عهده شايل الحمل زيزوم
اللي على الله ثم عليه اعتمدنا

والنايب الثاني بريع وصاروم
سقم الحفيف اللي يدور نكدنا

يا اميرنا اللي غير.. ما يلحقه لوم
يا الجيد اللي جدت فينا وجدنا

من غير امر نبغي زيارتك تدوم
وعساك يا وافي الخصايل تعدنا

فلا علينا نقص ولا احد مظلوم
حنا على انفسنا بذلك شهدنا

لكن وصولك عندنا شي معلوم
اسمه رضا السكان الاقصى والادنا

وشكرا على التشريف يا سيد القوم
وان زادك الله طال عمرك فزدنا