الا ياشعر باقي خير في الدنيا وبادي خير - سعيد القير

الا ياشعر باقي خير في الدنيا وبادي خير
ولا راحت مراح مقيط هذا اسمي وذا وسمي

انحرك الوسيقه وابعد التشويه والتقصير
واسندك المعالي بالمعاني يحتميك اسمي

على شاطي محيط الشعر ماوقف سعيد القير
أغوص فآخر اعماقه واخذت امن الشعر قسمي

جناح الطير لولا الطير مارفرف جناح الطير
ولا جنح على روس الجبال وموقفه حسمي

ثلاثه مايموت السر مابين الثلاثه بير
تماثيل الزمن واجد وهذا يطرحه رسمي

واقول ان الخوي مثل الامانه والامانه غير
مواقيف الرجال اتبين ذا تافه وذا رسمي

اجل ليش التحايل ياولد حوى ماعاد تغير
بياض اقلوب خلق الله لو تسمو معك تسمي

ولاودي اوضح فالامور ويبتدي تأثير
وضوح الشخص مع نفسه وضوح اشباط للوسمي

© 2022 - موقع الشعر