(الاوله ياالله طاعتك واهداك
وتجيرنا من شر بعض البرية)
(وياالله لا تبلا الاجاويد في ذاك
اللي يحب لها الردى والرزية)
(والمعذرة ياغالين ما قصدناك
ابعيد عنا المتهم بالخطية)
(وان قلت قولا عله أدواك من داك
فاللي يصير هناك صايرهنية)
(وأيامنا ماهي سوى لا عدمناك
المر فيها غالبن للهنية)
(مايضحكك في تالي الوقت بكاك
قول الحكيم اللي علومه نقية)
(واللي تعشا في خويك تغداك
لاتحسبني قلتهامطروية)
(خذحامض الجابة من العلم لاجاك
وأذهن لغدرات الليال الخفية)
(ويالايمي جعل المنايا توطاك
بعض العرب ربي خلقها بلية)
(والله في بعض المخاليق يبلاك
اللي على الغرة عيونه جرية)
(لوتشري ابجنتك نارك بفرقاك
يقفا حسانيك الردي بألف سئية)
(وان هنت يللي جتني أول عطاياك
راع الغلا تشهد عليه الهدية)
(الحمدلله ماني بنازل أجزاك
حقك عليك وحق نفسي عليه)
(واللي كسب ذلن على الذنب جراك
أعطه مراسيلك جزاء فالحمية)
(ماهي شماته مار خلاق الافلاك
اليا عطاما أحدن يرد العطية)
(دام السما من فضل ربي تعلاك
خلك بالأرض ومنك روحي برية)
(الحمض لو جال البحر مارجع راك
لاريح زين ولايجي فيه فية)
(وان فكرت يمناي بأفعال شرواك
والله يمين أني لكسر أيديه)
(يامسندي بالله ليا جيت منصاك
سلم عليه وعطه مني وصية)
(قله قبل تعطي خفوقك بيمناك
جرب خويه والسجية مطية)
(حذراك تخفي ضكة في محياك
شوفة قلوبن في نفوس دنية)
(واللي ليا قفيت عينه تقفاك
ماهو خوين لك ولا أنته خويه)
(اللاش يامضنوني أفداي وأفداك
الناس واجد وأرض ربي فضية)
(تلقاخوين شوفته عند يمناك
سواة غيث للديار السنية

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين