هاض هاجوسي ونضمت الفريـدات الجـدادي - محمد عباس الطريفي

هاض هاجوسي ونضمت الفريدات الجدادي
من هواجيس الضميراللي لها فى القاف نيه

وياابن مرهب ياحزامي كل ماقدح الزنادي
جاك مضمون القصيده واستمع شرح القضه

جيت برج الفيصليه واحسب ان الوضع عادي
وليتني ماجيت برج المملكه والفيصليه

التقدم والتطور والحضاره والبوادي
والعلوم المستحيله والعلوم الواقعيه

اختلط فيه الحمار مع البياض مع السوادي
والله انك ماتفرق بين ذيك وبين ذيه

والتغاضي والتسامح والمصافح باالايادي
والمصيبه وحدةٍ جتني وجابت لي هديه

والله اني قبل اجيه الجو ياالاصحاب هادي
مير انا ظني دخلت السوق ماسمي عليه

وارتبكت وقمت اسيّر بين خلق الله وانادي
مر اناد اهل الرياض ومر اناد اهل الحويه

وانطحتني وحدةٍ كن القمر والنور بادي
والمصيبه يوم قامت تلتفت وتلد ليه

جددت جرح المشاعر واشعلت نار الفوادي
وحركة كل العواطف والشعور الداخليه

واخزرتني باالعيون اللي كما سيوفٍ حدادي
قالت اشر وانا اقشر دوك روحي في يديه

قلت شكرا ثم عفوا ؟! قالت تدور عنادي
نعنبوها هرجتني واحرجتني في شويه

مير انا قلبي عن اهل السوق والسوق متحادي
كن في قلبي سلوك وفي سلوكه جاذبيه

تجذبه للي محبتها غدة شربي وزادي
كل مااذكرها تجي العيشه على كبدي هنيه

بنت قومٍ يتعبون القوم في يوم الطرادي
يوم خيال الكحيله ياابن مرهب والعبيه

صيتهم وصل النجوم وذكرهم عنبر وكادي
رووس قومٍ ماتهاب وفى الملاقى صيرميه

هي هوا بالي مع العالم وهي غاية مرادي
غيرها في الناس ماله في حياتي قابليه

شوفها غاية مناي وشوفها ثالث عيادي
من بعد عيد رمضان ومن بعد عيد الضحيه

وقبل تنشدني من ايات العرب واي البلادي
قلت هاذي من خنادف والقبيله خندفيه

مهرةٍ فيها الاصاله والتحدي والعنادي
واللباقه والحذاقه والطبع طبع بدويه

والوصوف الزاهيه من عند خلاق العبادي
كل هذا هجس والا مامعي فيها دريه

صادفتني مرتين وكلها مسك وزبادي
لاوطت فوق الحرام ولامشت درب الرديه

مثقفه ومودبه والها تقاليد ومبادي
لا علينا اخطت ولانرضى عليها باالخطيه

علم اللي يشعبون خيولهم في كل وادي
لو زعلنا جات ردة فعلنا رده قويه

© 2024 - موقع الشعر