لا هاض هاجوسي قطفت الفريده

لـ زياد غانم السعدي، ، في المدح والافتخار، 34، آخر تحديث

لا هاض هاجوسي قطفت الفريده - زياد غانم السعدي

لا هاض هاجوسي قطفت الفريده
وارد لي ابيات كما عد ينبوع

حبل الشعر من عقده افك قيده
ينذاع قاف لّي مع الناس مسموع

واحيان لامني بغيت القصيده
من عسرها يسهل علي حبة الكوع

يالله ياللي يطلبونه عبيده
ياواحدن يصنع ولاهو بمصنوع

انك تعز اهل الصفات الحميده
اللي مقامهم على الراس مرفوع

عمامي اللي مجرى دمي وريده
افخر بهم دام الفخر طيب وفزوع

لطيب يمنى والمكارم تجيده
دربي على طريقهم صار متبوع

وان طبت قالو هم عمام الوليده
لو طاب ماعدى على طيبهم فوع

عمي رجاء وابوي غانم عضيده
ان قامو بلازم يتم لو به جزوع

فزعاتهم تاصل لناس بعيده
كيف القريب اللي نصاهم بموضوع

والجود للاجواد ينفعك جيده
يغنيك عن مداتهم طريا وسموع

واذكر رضاء وغنام وقت الشديده
عز الله ان الطيب بالصدر مطبوع

واللي بقوا لصغيرهم حي حيده
على النهج يمشون طيب على طوع

و ان قيل اسم ضافي تروني حفيده
عود على كسب العلا يطلع طلوع

له سيرة عطره بوسط البديده
شديد باس والشجاعه له طبوع

هذا وتم القاف تال القصيده
ياجعلني بالشعر ماذخر لي ربوع

زياد السعدي
© 2022 - موقع الشعر