يالله المعبود ياللي ماحدٍ غيرك رجيته - محمد بن دغيـّم السميري

محمد بن دغيّم السميري العتيبي
يالله المعبود ياللي ماحدٍ غيرك رجيته

ياحكيم وياكريم إنك على الخير إتهداني
اطلبك تعفو وتسمح كل ذنبٍ قد جنيته

وانت مايخفاك ماسوّيت لو انه خفاني
ان شكيت الوضع لك والا سكتّ ولا شكيته

عالمٍ مافي ضميري قبل ينطق به لساني
احتري مدّك وجودك جود غيرك ما أحتريته

ماطلبت الا انت ياعالم بحال المودماني
مشتهن جودك ومدّك مد غيرك ما أشتهيته

مدغيرك مانفعني لو عطاني ماعطاني
العطا والله عطاك اللي اليا منك عطيته

مال احد منّه عليّه لا فلان ولا فلاني
ياعمرّ الشّيب حل بعارضي واقول ليته

صابرٍ عني وليته قبل حلّه ماغزاني
كل يوم امحاه ويعوّد عليّ اليا محيته

والله اني مبغضٍ لاماه لكن ابتلاني
والشباب اقفت ضعونه مايجاوب لو دعيته

والكبر ماابغاه لكنه تغانمني وجاني
لي سنين اجاهده لزريت فيه ولا قويته

انتجاهد كلبونا لاقويت ولا قواني
يوم افكر ياعمر في عمري اللي قد قضيته

اربعين من السنين وكنهن اربع ثواني
اطرد الدنيا ولا خلّيت دربٍ ماعطيته

في دروب المرجله مارحت لي في درب ثاني
اتغرّب واقتلب واللي بغيته ما لقيته

ياعسى من لامني يبلاه ربي بالهواني
الخلف عليك ياربي بعد سعيٍ سعيته

في زمانٍ رحت فيه وجيت ليننه قصاني
موتري بالدين والتقصيد دوبني شريته

وكل يوم موقفه في ورشة حسين اليماني
لو لي قدره وحيله كان والله ماقنيته

ويش اسوي بالنصيب اللي على مثله حداني
والسكن بإجار والبنيان اباه ولا بنيته

مرزقي دوب الضيوف ولا قدرت ابني مباني
اعرف ان الضيف ضيف الله ولا عمري جفيته

ماجفيت الضيف مثل الوقت يومنّه جفاني
ضيفي افرح به واهليبه وأعد البيت بيته

خلقة الله خاطري للضيف دايم مرحباني
سلم ابوي اللي ذخرني لا جهلت ولا نسيته

مايخلي سلم ابوه اللي ذخره إلا الهداني
حت لو وقتي عصاني مثل مايعصى عصيته

كيف اطيع الوقت وانا كل ماطعته عصاني
مانويت اترك طريق الجود عقب اني مشيته

يامدوّرت الغدا والا العشا عانوا مكاني
لا يجنّب عني احدٍ طامعٍ ماحسيته

والله ان اللي يجنّب عندي أغلى لو لفاني
والبخيل اليا ادّرق فيّه بون الله كفيته

اكفي اللي يدّرق فيّه وخلاقي كفاني
معتنن بي خالقي وانا اليا مني نخيته

فرّج الشطّات عني في الزمان القلباني
ولو يرد القل كان (ثعيل)ماقد ذاع صيته

وألا (أبوعبد العزيز الوايلي) هيف السماني
كيف يمذاني رفيقٍ والله اني مامذيته

حاسبه عندي منوّل في مقام اكبر اخواني
واشهد اني بالكلام الشين مايومٍ قفيته

كيف جات التايعه من فمه يوم انه قفاني
لايحسب انه زرى يوم اني اسكت ماشنيته

ساكتٍ تقدير لوجيه العوارف والعواني
والمشانا والمشاحن عنه حبلي قد طويته

والشماته منكره والله عنها قد نهاني
أن سكت حب وكرامه وان تمادى اناكويته

كيّةٍ من عقبها والله ليبطي مانساني
مادرى ان ما اسهل من الامر الصعيب اليا بغيته

كل صعب اليا عزمت وقمت بامر الله هاني
لو اموت من الضما والجوع عزمي ماثنيته

ماني بمزري لسوي مثل طلقين اليماني
مثل ابن زراق مسلط غير مسلط ماعنيته

مسلط اللي واصلٍ ذكره لشمّر وقحطاني
مسلط اللي مايخيب الظن فيه اليا هقيته

سلسلة زراق جعل ابوه في خضر الجناني
© 2022 - موقع الشعر