يابو سعد با انبيك عن مهنة لي

يابو سعد با انبيك عن مهنة لي
عييت عنها لا اتجاوز ولا اتوب

سود العيون اللي هدبهن مظلي
لا شفتها كني على الارض مصلوب

اتيه من رايي واوقف محلي
واشعر بجمر داخل القلب مشبوب

واكبر مصيبه كل ما سلهمن لي
حسيت كني من على القلب مضروب

وحبيت ابين لك طرف ما حصل لي
وابغي نصيحة قلب ما هوب مقلوب

وانا برايك يالدليل استدلي
حسب الثقه والا فانا عندي اسلوب

هذي حقيقه حطها في سجلي
حيث ان سجلاتك بها شي مكتوب

زميل مهنه قد خذاك التغلي
واكيد قلبك من هوى البيض مصيوب

ولا تقول اني غريق مولي
غصب علي وكل ممنوع مرغوب

رغم اني اعرف واجباتي واصلي
اقول حب البيض ما هوب عذروب

ادم على حوى دموعه تهلي
حتى انها جاته على خير مطلوب

وان كان رديت الثنا حشمة لي
قميص يوسف يوم رده ليعقوب

وانا بعد با اسلم من الهم كلي
واروح انا في صوب والهم في صوب

وان كان من حصلت للوضع حلي
صبرت حيث الصبر غالب ومغلوب

وقلبي على طول الشقا ما يملي
لعبت بي الدنيا على كل ملعوب

وصابر ولا ابين جروحي لعلي
اهدي عصاة قلوب في صالح قلوب

رد الشاعر/ عايض المرجوم:
يا مرحبا عد المطر لا استهلي

وانهد سيله من قرا كل مشذوب
وعداد من فوق البسيطه يحلي

وعد النبات الى كساكل عرقوب
ترحيب احلى من حليب المتلي

والذ من همسة محب لمحبوب
بكتاب شيخ له مقام ومحلي

ابن اليتيم اللي معنز ومنجوب
قصر بني في الحجف ظله يظلي

ساسه حجر واعلى مبانيه مصبوب
قصر بضيفان الكرامه يهلي

عليه دايم بيرق العز منصوب
عسى بيوت الز ما تضمحلي

وعسى دواعي الير تفتح لها البوب
الخط جاني فيه شكوى وحلي

شكوى محب وحل حلحيل محسوب
يا وارث الحكمه حشا ما تزلي

فصلت حل المشكله فصلة الثوب
ساعة قريت اسلوبك المستقلي

انباج له في ضامري كل دالوب
كنك على ما في ضميري مطلي

حركت شي داخل القلب مضبوب
ما الوم قلبك في الهوى لا استخلي

غيرك رجال ذابت قلوبها ذوب
يابو عبيد راح وقت التسلي

يوم الهوى ما فيه شك وعذروب
واليوم جا ناس بختها مولي

داجت وراجت واخلفت كل ما جوب
قلته وانا في لازم الطيب اللي

شرواك اجي لو كان ماني بمندوب
عن فزعة لك ما نويت التخلي

كلمة وفا ما هي مواعيد عرقوب
وانا ما احلل حاجة ما تحلي

ومن يدعي بهداية الناس مذنوب