مهنة التشتيت

على صفحة جبين الوقت بقلام الاسى خطيّت
ملامح شيبة احساسي وفيه الهم متلوّي

اجّر الضحكه والآمي تعّمر بالحنايا بيت
تسابق دمعتي الديمه ويسرق نوّها نوّي

بكى حبر القلم حالي وقال المعذره سجيّت
بحرفٍ يحمل الشكوى ثمان سنين متزوّي

انا يمكن اكون اللي ..لضيّ امالها طفّيت
وصارت شمعة امالك ..بدمعة عينها تضوّي

كشفت جروح بي غارت ياليت لعرضها غطّيت
وصولات الالم تقطع بجوفي نبضن يدوّي

على عنق الغدر عنوه ..لمدات الامل غليّت
ياكاسر ظهر احلامن تعنّت مارقت جوّي

على نيران شرهاتك بفنجال الشقا غصيّت
وصاح الجرح يادنيا لصفحات الفرح طوّي

ياغافل عن تفاصيلي ..تراني ع الشرف كديّت
سقيته سلسبيل العزّ وزاده قدرن يقوّي

على شهوات سجّانه ..بنيبان الجفا عضيّت
رميت ابها على جال الفراق وسجنها مخوّي

انا لي حال مو حالك انا (زهر الحيا )اتسميت
ابد ماهزني عابر ولا فوحل الهوى مهوّي

تبي تعرف انا منهو؟؟ ..انا بليل الفزع لك ليت
تبي تعرف وش استاهل؟؟ ..امان يطمّن هدوّي

اقولك وش يميزنا؟؟ ..انا لجلك وفا غنّيت
وكنت انت السهر ياللي يدمّر كامل زهوّي

انا يومك تبي عيوني اقول ابشر ولاثنّيت
وكنت انت العمى ياللي يحطّم سطوة عتوّي

تعرف الحين وين انا؟؟ ..على جال الندم صفيّت
تعرف الحين وش ابغي؟؟..ركودن يدعم رسوّي

فمانه يالخريف اللي تمرّس مهنة التشتيت
فمان الله ياحلامن شِقت من قولة تروّي