يا ناس

يا ناس هذا اللي خطف مني القلب
وهذا خطف يا ناس زهرة شبابي

وهذا الذي علمني الحب للحب
شوفوا عيونه تشتكي من غيابي

يا ناس هذا الجرح والسلم والحرب
وهذا سهر عيني وهذا صوابي

يا ناس لو قيل المحبه لها طب
أقسم قسم لو يلمس الجرح طابي

يا ناس يوم الله جمعنا على الحب
ودي أصفي مع حبيبي حسابي

ذي فرصتي ما أريد أنا الجمع والضرب
ولا أريد أكرر بالمحبه عتابي

مليت أردد قصة البُعد والقرب
وأشكي على البرواز لهفة عذابي

يا ناس ليت دروبنا كلها غرب
من شان عنها ما يطوّل غيابي