مرثية

البارحه ليلي جفته المجرات
لا نجمةٍ تضوي ولا جاذبيه

والحزن من مبدأ العيون الشقيات
شرّع جيوشه لين سيطر عليه

وشفت المصيبه ترسل أقسى علامات
لين إستوى المشرق مع المغربيه

ونبض الشوارع كان يكتب عبارات
على جدار الوقت هذي منيه

هذا حكم ربك والأقدار عجلات
والباقي الله عالمٍ بالخفيه

ولو أقفت الدنيا برمز المروات
يبقى شذى طيبه لذكره حميه

مرحوم يارمز الثنأ والجمالات
ياللي مع أهل الطيب ما شفت زيه

مرحوم ياللي لك مع الناس وقفات
ودايم لدرب الطيب لك قابليه

مرحوم ياللي كان لي ذات في ذات
واقرب من الخي إذا إنتخى فيه خيه

مرحوم ياللي لا غشى الوقت ظيقات
أزبن عليه إن ظاقت الأرض فيه

يا خوي من بعدك غدى الوقت حسرات
هم ٍ على هم ٍ ودنيا شقيه

هيهات أنا أنساك هيهات هيهات
والله لأرسم صورتك في يديه

والله لو ان الدمع ب يرد ما فات
لأبكي وأسيّل بالدموع الوطيه

وأصيح وأنخى ثم أردد بالأصوات
لين الجبال تجاوب الصوت ليه

ما مات من خلّف له رجال ما مات
تغيب روحه بس الأفعال حيه