انا كل ماقالوا لي الربع شافوا برق
تقول ان قلبي من محله يبي برا
ليا قام يلمع شرق والا شمال الشرق
تبي تصبح الريضان مليا ليا سرا
ليا قيل من ضلعان حايل ليا ايمن عرق
ومن غرب دلا مع شفا نجد وانجرا
خطم له نسيم الشرق يسرق غشينه سرق
وتقلل على كبد الفضا مزنةٍ غرا
تعزل ربابه مثل حيل البكار الزرق
هما وانهمر من دون الآفاق واسمرا
غشينه يسوي مع دكاك الدفاين طرق
نفع بامر من ينشي عن امره ولاضرا
يعم البلاد اللي عن الغير فيها فرق
بلاد الملوك اللي علينا امنهم ذرا
خذوها على وضح النقا ماخذوها درق
بعد ماحصل فيها من الفر والكرا
مذاخير من يطرق كبار الصعايب طرق
خويه ماغير السيف والمهره الغرا
تقلل وهلل وسجعتله حمام الورق
قسا والوقت والا ماقسا فيه مامرا
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.