الإمتحان الصعب - كديميس السيحاني

دخلت إمتحانن صعب ياعيد كيف اقواه
مدام ان كلن قال انا ويش اسويله

دخلته مبرّه لا قسى لجل احوز ارضاه
بعد مااستخرت الله باليوم والليله

لو انه نمى لي ما استشرت امه ولا ادناه
لكن والدي والوالد اصيح وادعي له

انا ادعي ودمعي ساكبن وانهمر مجراه
ودعيت الولي وازاح عني تظاليله

صحيح اني اصغركم وحدّيت للمنهاه
هذا هو قدرنا والقدر محدن إيزيله

وانا يوم افكر لين يا صعبها صعباه
بتر رجله اليسرى ولا في يدي حيله

وتركه كذا ياعيد يفني جميع أعضاه
أمرّين هن ياعيد وش لون تأجيله؟

تجرعت انا المريين والفكر مني تاه"
وتخيرت لأحلاهن بقامه وترحيله

وانا اشهد شهادة حق يا مرّها مرّآآه
علي الكبد والتفكير والحلق والزّيله

وانا اشوف كلن يتهمني ليا واساه
يقولون قاسي قلب حلياي عزيله

ضحوكن مع العالم صبورن على ماجاه
يجامل مع العربان بالضحك والحيله

ولا شافوا اللي بالقلم ترتعد يمناه
يوقّّع ودمعه من عيونه هماليله

وانا جزقلبي يوم خط القلم بمضااه
لكني صبرت لجزّته من مظاليله

ورجانا لخلاق الملا قادرن لشفاه
لكن اطلبوه بكل سجده وتهليله

ترى الله مجيب لدعوة اللي حثيث ادعاه
عطاه او لعلم الغيب او يزود به كيله

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر