مجاراة طلال العتيبي( المحنشي) للقصيدة ياليل ما اطولك

الالف والباء وحروف الهجا معها
ثمان وعشرين حرف اللقافك تسوقي

يالي صنعت القوافي في مصانعها
واضهرتها تاج راس لكل مخلوقي

اناشهد انك وظعت القاف موظعها
والبستها من جديد البس منسوقي

واطربت ناس(ن) تتابعك بمسامعها
وخليت راعي الهوى يرتاح ويروقي

عزيتها عن جميع الهون رافعها
مابين قافك وقاف الحاقد افروقي

من جاك في سالفه يجهل مراجعها
ماهي بحجه تراها كذب واللفوقي

الناس واجد ويامكثر مطامعها
وبعض البشر جيب ثوبه منك مفتوقي

حاقد وخده لهيب الغل صافعها
قلبه من الحسد والتنكيل مخروقي

لالايهمك كلاب(ن) في شوارعها
ولايهمك نباح الواطي اللوقي

ماضر مرضي ليا كثرة بضايعها
لاصار تاجر وعارف يحكم السوقي

قيفان مرضي غلال(ن) في صوامعها
زرع(ن) تربى ومحصوده على ذوقي

ابدع وغني جديدات(ن )روايعها
تحيي هوانا وخل الهيه ممحوقي