قصيده ألقاها أمام سمو الأمير الوليد بن طلال - سفر مشعان الغبيوي

سلام ياميرٍ ملكت القلوبي
ملكتها بالحب من طيب الأفعال

ذكرك من أقصى الشام لين الجنوبي
ومع العرب ذكرك زما روس الأقذال

حرٍ ولد حرٍ وساسك اعروبي
من ماكرٍ كله صواريم وارجال

جدّك حكم نجدٍ وخاض الحروبي
وحدّ جزيرتنا على كل الأحوال

وأمست بأمان ولبست العزّ ثوبي
والشعب عقب الخوف بات بهنا بال

وأبوك عند الناس صار امحبوبي
عون اليتامى زارع آمال الأطفال

كم تايهٍ وآساه عقب الضروبي
وكم من امشرّد صار له ضل وضلال

يامير يا مذّهل جميع الشعوبي
بالحكمة الفذّة تحديت الأجيال

في ذرّوة الأعمال صرّت امحسوبي
أخذتها غصبٍ وطوعٍ بلا اقتال

اعجبتني يامير ابكل الدروبي
وإلكم سطرت أحساس قلبي والأمثال

مالي هدف واللي يدير الهبوبي
ولا قصدي الا حب والحب مازال

يامير ياريف الضعيف النحوبي
اللي اليا جالك نسى الهم بالحال

كم واحدٍ فرّجّت عنّه الكروبي
وارتاح باله عقب ماهوب بهبال

وكم واحدٍ عاجز ولجالك يحوبي
وأمسى عديد وزال عنه المرض زال

وكم واحدٍ جالك ووجّهه شحوبي
من كثر دينه عاف عمه مع الخال

سدّدت عنّه الدّين منت امغصوبي
تحب فعل الخير والحق ينقال

تمشي مع المحتاج في كل صوبي
ما صِك بابك دوم للجود مدهال

أنشهد انك فِزّت منت امغلوبي
بالطايله يامير صار الك منزال

هاذي مواري صدّق ما هي كذوبي
أنطق بشوف العين ما قول الي قال

أنته يامير الجيل فعلك اعجوبي
فعلك عجيب وكل يومٍ لك افعال

© 2024 - موقع الشعر