من عزبتي شرقي الصيني
يا ما حلا حبكت الدله
حسو السفر سمنها ليني
مع فذة اخلاص منعمله
من مزنتن رشها زيني
عقب ارزمت والمطر هله
اعصير والناس ضاويني
في حزة الشمس منزله
بالله وين أريش العيني
وأزهم على حسين وأقاله
مير البلا هم بعيديني
ليته أقريب وأنا أصل له
سيد البنات المزاييني
ياحسين ياشوق ابو قذله
شقرن على الردف يهويني
أبو جديل اليا فله
ونعود لأم الوراعيني
متى نبا ننهي الرحله
والقلب من عقبهم شيني
حالي بعدهم بها عله
لو شافت الزين تعصيني
والعين ياحسين مختله
الزين عند الوفييني
زين بلا طعم إله خله
فيهم تزين التلاحيني
أهل الكرم والوفا كله
أبو ضميرٍ امصافيني
شفي ولا أبغا بديلٍ له
وإله الوفا كامل الزيني
إله الغلا والغنج دله
وأقصر مداها ليوميني
يابو على قصّر المهله
ماعاد أطيعك تواسيني
ياحسين صبري قضا جله
ياحسين لا لا تعاديني
قم وأولم العفش وأفطن له
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.