صافي الدله - كديميس السيحاني

تعالي ياقوافي شعري اشرب صافي الدله
واحدد خط سيري في خيالي وانظم الحاني

على الكيبورد ارتبها واسيّرها على المله
واعايش كل تنوين الحروف لنشر ديواني

اذا ما للوفاء خانه تحكم قلوب خلق الله
افضل عيشتي من دون كل الخلق وحداني

عطيت من الوفاء كل الوفاء ولا اقبل الزله
ولكن ياردود الفعل جاني منك ما اكفاني

على المبدا القديم اسرج خيولي وارفض الذلّه
وازيد الكيل كيل وكل طيّب صار لي عاني

صحيح الناس فرق وفالرخى ماتظهر العله
لكن وقت الشدايد للمعادن فرق الاثماني

لقيت الياسمين وحنظل وريحان مع فله
ولقيت المسك غالي والثمن في الكف برهاني

لقيت من الجبال الشاهقه فيّ العصر ظلّه
لكن وقت الهجير الماء ينشّف دم شرياني

اقاوم للعطش في حم صيفٍ زاد في حله
وشربت من التجارب لو طعمهن مر وارواني

غريبه من بنى الديره يتوه الدرب ما دله
بعد ما ارسى قواعدها وشيّد منها الاركاني

يناظر في عمايرها ويسقي زرعها كله
عطاها لو ما اخذ منها وصار بحقها جاني

مواطن ضعف حاديته وثوبه بالي يشلّه
تعرى قبل تعريته وعاند كل دياني

اخذ صعب القرارلموقفه في دقّه وجلّه
وطوى ليل التجافي صفحة الماضي ونسياني

على الاطلال ذكرى قد بناها الخل مع خله
ولو نفس الفتى في غيبها تنسج لها اكفاني

طوى بشته على ذراعه وقفى والهدف ملّه
عرف قدر المواقف من بداية حكم علماني

تباين في مفاهيم العقول ولا فرض حله
وكشف كل الورق لو فالورق رابح وخسراني

© 2023 - موقع الشعر