أسهر مع الدله

أسهر مع الدله وبيض الفناجيل
وأقول بسم الله واخذ مرادي

حتى مع الفنجال تزين التماثيل
واحرص على قولي من الأنتقادي

من عاقلٍ يحلل الهرج تحليل
دين كريم وباللوازم سدادي

هذاك نشري خوته وافي الكيل
من خوته من جلسته يستفادي

شروى عوض غالب زبون المشاكيل
صقر أينومس صاحبه بالهدادي

عد روى للعرف مايقبل الميل
حل بمكان أبوه فوق الشدادي

يضحك احجاجه لالفوه الرياجيل
ما يختلف وافي بقيض وبرادي

يخال ضاق الصدر بالحيل بالحيل
والقلب من مافيه بالحيل جادي

اسهر مع الهوجاس ومع نجمة سهيل
حتى ينادي بالأذان المنادي

ليلي كما ليل الشتاء ما طوله ليل
أبغى المنام ولاحصل لي رقادي

من اللي نشوفه والليالي مقابيل
وغيب الليالي عندرب العبادي

نبغى ونبغى ولا لقينا محاصيل
والوضع ماهويافتى الجودعادي

وضع نشوفه مثل كيفٍ بلا هيل .
يبعد عن الخاطر لذيذ المرادي

رحنا ضحيه بين هم وغرابيل
والنفس ما بين الزعل والجهادي

راحت علوم الماد والسيف والخيل
اللي تبين بيضها والسوادي

ولاعاديعرف ذيبها واشهب الذيل
تخالطت ظلعانها والحمادي

وين المجالس وينذيك التعاليل
اللي تسلي من يجيها وكادي

تجمع رجال الطيب ربعٍ حلاحيل
ربعٍ يعرفون السنع ما تقادي

ولا أقول في حقوق الرياجيل تقليل
أهل الوفا وافين حضروبوادي

وصلوا على اللي كمل الدين تكميل
محمد المبعوث للناس هادي

وسلامتكم ...