لبى عتيبة لبّها كل حزة
ماللفخر فيها مواعيد واوقات
ثورة غلا ترجف عروق المعزة
وقلوب تمطر بالوله و التحيات
كل يوم عيد لحبها فيه فزة
بيرق عتيبة فوق هام السماوات
الله وهبها دايم الدوم عزة
قدر لها قرب النبي والكرامات
عرفان والعرفان منها نمزه
من مهدنا نرضع تواريخ وايات
ذكر النبي وانسابنا ما يجزه
طول الزمن ولا مرور السنوات
منهو يطول المصطفى من يبزه ؟
ابنفتخر به ياعليه الصلوات
ولا من مدحنا نفوسنا ما نتنزه
كان النبي يفخر وبقريش بالذات
وحنا على هديه نشدّ ونلزه
سنته فوق الفوق ماهي ابتداعات
من كان عوّره الفخر واستفزه
يقرا احاديث النبي والرسالات
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.