حبيبي والقلم حافي ورمضا الفقد اوراقه
وخطواته يلوعها لهيب الشوق وجنوني
يقدم حرف .. يأخر حرف والعبرات حراقه
تلعثم كلمة احبك مابين الفرح وشجوني
حبيبي والسهر صحرا .. سباع الموت اشواقه
تطاردني عذاباته ويروي غلها لوني
وطيفك غيمة من الحب .. والامطار عشاقه
ترحل في شراييني وتسكن لهفة عيوني
حبيبي والغلا طوفان فاضت لوعة اعماقه
يزلزلها الغياب اللي تشظى دونك ودوني
احبك يابعد هالكون .. شمسك تفضح اشراقه
احبك ليتني وياك وكل الناس ينسوني
حبيبي والوله يتْم ومعاد بلهفته طاقه
احبك وانتهى بك كل معنى يا مدى كوني
حبيبي والشعر مهزوم يرفع راية اخفاقه
وحبك حرب لاستنزاف نبضي .. حيرة ظنوني
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.