جيت اسامح - فيصل بن تركي ال سعود

لا تجي تنشد عن أسرار ونوايا
ناظر بعيني وتعرف كل حاجه

طالت الغيبه وأنا أيامي ظمايا
لي خفوق مالقى منك ابتهاجه

وينك الفرقا لها فيني سوايا
قلبي اللي لك خفق بالحب ناجه

جيت أسامح ناسي كل الخطايا
المهم إني اشوفك ونتواجه

المشاعر شلتها يمك هدايا
والغلا قلبي لبس لرضاك تاجه

حبك الباقي ولا غيرك بقايا
صوت غيرك ما سمعته واحتجاجه

اعترف لك منزلك بين الحنايا
والغلا يهديك تاجه واحتياجه

باترك العالم واجي كلي عطايا
لي مزاجي يوم كل له مزاجه

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر