ارحم لي اموت

خليني أعيش في همي وحرماني
خليني أصارع أهمومي و أقاسيها

يا بنت فيني عذاب وزادت أحزاني
دنياي ظلماء وما شفت السعد فيها

صار الشقى لي رفيق ومنه أعاني
عائش عذاب وحزن والروح مشقيها

صبحي شقاوي وطول الليل سهراني
دنيا التعاسة سقتني من بلاويها

لراح هماً يجيني همي الثاني
من لوعتي والحزن روحي معنيها

الهم والحزن والحرمان عنواني
وروحي عليلة من اهموماً لجت فيها

والموت أشوفه يهددني ولأجاني
دنياي جارت ومدري وش تواليها

ارحم لي أموت حتى الهم ينساني
وارتاح من دنيتي ورحل وأخليها