من هجوس لها وسط الضمير اجتوال - فراج بن وسويد الكرشمي

هذه القصيدة موجهه من الشاعر صالح الناصر الاسعدي العتيبي للشاعر فراج بن وسيودالكرشمي العتيبي
يا خيال على ما قيل سده خيال

يستميل العقول ويجهر اقوى العيون
نظرتيله دقايق بين روح وتعال

خلت القلب يطريله ثلاثين لون
واستقرت تفاكيري بروس الطوال

واشتغل خاطري بالمعرفه واللحون
اعرف الدرب كايد والحقيقه تقال

للمواقف رجال وللقصايد فنون
المواهب المثايل جبت كحل الدلال

من مغنه وأبا اسوق الضعن للضعون
وفتح الباب وتقن شفرت الانتقال

بالمعاني عسى ارجال الوفا يسلمون
ودي اوجه الفراج اخونا سوال

حول مورثنا الشعبي يدور ويكون
محور السالفه والمعرفه لانزال

مثل نور القمر والتجربه ماتهون
دام يالكرشمي للشعر حل المجال

الحوار ابمجاله دايماً ذا شجون
ياطويل الذراع وياكريم السبال

ساحة الشعر صارت حول حد الجنون
دام مامن ضوابط قرب الاحتلال

كل عامٍ على قول المثل ترذلون
ياوجودي على المورث في كل حال

افزعوله قبل يجيه ريب المنون
من عباد رموبه في بجور الظلال

ستة يسرحون وستة يمرحون
مايفيد السكات الصبر بالحيل طال

وانتم اصحابنا وش رايكم تشكرون
ودنا بالاجابة والوفا راس مال

كلكم تنظرون وكلكم تفهمون
لو تهب الهبوب اللي تهز الجبال

مابقا الا الرواسي باالبلد والركون
ما ستمد الحقيقه من بحور الخيال

والبشر دايماً عدوان ما يجهلون
وهذا رد الشاعر فراج الكرشمي

من هجوس لها وسط الضمير اجتوال
جول صفراً تكف الخيل في كل كون

كل ما صاح راكبها سطر وانفعال
لحقت اللي عليه لمن عسفها ديون

وكل ماارخالها فالحبل جاها هبال
منوة اللي على اخوه الوحيد مغبون

منوة اللي جلب روحه وغال الحلال
ما تحده جموع ولاترده حصون

عاصبن هامته ماهيب لحية عقال
وام عشرين قامت له تكد القرون

يدفعه فعله السابق وعشق الجمال
وابترن كل ما اهوابه يقض المتون

من هجوس جنحت بوصفها لاجدال
عن قضية رفيق للمراجل زبون

مرحبا مرحبا بالجزل راع الجزال
صالح الناصر النادر فدوه العفون

شاعر كل ماغنا البيوت استمال
المسامع ومن للشعر صدق يهوون

كنه السحر مير السحر هذا حلال
كنه الغيث من نفحات غر المزون

يشتكي لي من اللي يدعون الكمال
كلبوهم قسم بالله ما يستحون

زوبعه فالجنوب وزوبعه فالشمال
سامح الله من سلمهم المقرفون

يصرفون الهلل ما يصرفون الريال
والهوايه دعايه والهويه بدون

لو على روسهم يذن يا صالح بلال
غص فيهم نفق مكه وريع الحجون

ليت معهم ليا وردوا على الماء حبال
كان يمكن من العد الروي يشربون

مير لاحيلتن فيهم ولاطيب حال
في سنه يظهرون وفي سنه يختفون

نجمعهم يعتزل من دون حفل اعتزال
ليت شعارنا الاعلام ما يشرهون

فشلونا بجيل يرفض الانحلال
جيل غازي وابن مبرد وجيل ابن عون

جيل ما يشرب الا السلبيل الزلال
جعلهم ياهل المعروف ما يذهبون

© 2022 - موقع الشعر