ليش العتب

ليش العتب
وأنت اللي ضيعت الهوى بلحظة غضب
الغلطة كانت غلطتك
فرطت في حبي بلا أدنى سبب
ولما عرفت أني لك الصدر الحنون
وأني أبد ما خنت ولا يمكن أخون
وان اتهامك لي ظنون
راجع تناديني بعتب"
صرخاتي اللي عاتبت فيك الجفا
رفضتها بليا ندم
نبضاتي اللي كلها حب ووفا
ساويتها وياالعدم
كل لحظة بعمري تمر
كانت مثل غربة عمر
غربة دهر
كانت لياليها سهر
وأيامها لوعة وقهر
ما فيه داعي للعتب
ما أعتقد أن المناسب لك أنا
ولا أعتقد أني لأحزانك هنا
ولا لظلماتك فجر
غيرك حضن قلبي بوفا
وأنا بصراحة
ما أجازي بحضن قلبي بهجر
ضيعتني بلحظة غضب
ضيعتني بليا سبب
ولما نسيت اللي مضى
راجع تناديني بعتب"