لولا الوفا

لولا الوفا من خافقي ما تمكنت
ياللي الوفا لو مات... فيك انت ما مات

في دنيتي ما عاد باقي سواك أنت
أنت الوحيد الحي والباقي أموات

أوفيت وهم خانوا وهانوا ولاهنت
لا زلت تشغل خاطري كل الأوقات

يا اسري في التشوق لولاك بينت
في ليل عمري طول الليل ما فات

شتت ظلامه نور شمسك وزينت
دنيا الحزين اللي قضى الليل مابات

كنت احسبك مهما لعهد الهوى صنت
ما بك وفا..تتبع مصالح ولذات

واخلفت ظني صنت الأشواق ما خنت
فيك اختصر عمري زمان ومسافات

كلك عطا في الحب ما قد تهاونت
والا عطيت وقلت لي عقبها هات

يل اسري قبلك عل الشوق أعلنت
عصياني ورديت داعين وأصوات

إلا أنت في قربك عن الرفض هونت
جيتك أجز خطاي للشوق بسكات

لولاك أنا في الحب ما كان امنت
في وقت ما فيه الوفا غير...للذات