كل مشغول - ابراهيم بن جعيثن

كل مشغول في فنه
يظهر قوله على ظنه

هذا شفته وابااقوله
والحمد لربي والمنه

عسى فعلي يتبع قولي
ما ناب ابخل به واكنه

ترى القهوه بلا قدوع
مثل الصلاة بلا سنه

هذي في مصلحة الدنيا
وإلا الصلاة ابها الجنه

والعجز يعذر ويسامح
مصلوخ وش ناخذ منه

واللي يقول ولا يفعل
عسى المواتر ياطنه

عسى ما له بق عمد
الى ذكره جر الونه

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • للتواصل مع ادارة موقع الشعر إضغط هنا.
© 2020 - موقع الشعر