مشغول

بعد الهوى ليه منك كل ذا يحصل
ليه الجفا ليه والصدات يالغالي

ادري لك يجوز تتغلا وتدلل
مير القطيعه مراره مرت الحالي

ياصاحبي صرت فجأه غير بالاول
ويش السبب قول ياطيب الفالي

اصبحت مشغول طول الوقت ماتسأل
وش شاغلك وانته الي كنت تفضى لي

ماعاد سويت لي رنه ولا ترسل
ماهي عوايد حبيبي يقطع وصالي

ارجوك قلها فلا انته صرت تتملل
مني وتخجل وتحسب حيل مزعالي

ابشرك يالغلا في لحظتي برحل
وانساك وانسى بلحظه كنت ترقالي

طبعي ترى شخص بالمقسوم يتقبل
يقنع ويرضى بأمر الواحد العالي

شعر سالم العولقي...