من يشتري شعري وياخذ قصيدي
مادام شعري صار مابه فوايد
مليت ارسل للجرايد جديدي
ابغى جديدي انشره بالجرايد
ياكم معد ٍ جيت له قال ميدي
"شاعر" ولكن ينقصك شي وايد
وياكم معد ٍ قال لي "ياوليدي"
اصبر وانا في وسط صدري وقايد
والله لو اني "بنية ٍ" مستفيدي
على الأقل ما ابلش بنظم القصايد
اخذت مدح ولا اخذت المفيدي
ولا كسبت الا مديح وشهايد
الحين وين القى من يفك قيدي
واهل الصحف يعاكسون العوايد
عدت ثمان سنين يا سيد سيدي
كنه عن أهل الشعر شعري محايد
الشعر يجري في مجاري وريدي
متغلغل ٍ بعروق دمي وسايد
يا ليتها قبل اكتب انشلت ايدي
ولاعرفت ان الشعر شي كايد
بكره أخاف يصير مثلي حفيدي
يطلع على "جدّه" عديم الفوايد
ببيع انا شعري و بنسى قصيدي
ماحد عطانا وجه "ياهل الجرايد"
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.