من أمل عبدالعزيز لكل قاري
لكل قلب.. لكل روح .. لكل عين
مرحبا بك والقصيد اليوم داري
بيتي الثاني وهو القصر الحصين
السعادة ما تباع لكل شاري
وما تجي مثل الهدايا في اليدين
وما تجي بالمال للرجل العقاري
السعادة ما هي بجمع الثمين
طاعة الرحمن ثم علم البخاري
الصحيح اللي به السنة تبين
وإن طرى من عصبة الفتنة طواري
فاتباع العابدين الصالحين
السعيد اللي سهر والليل ساري
لاجل يركع في قيامه ركعتين
والسعيد اللي على ( أبوينه ) يداري
ما نسى في يوم ( برّ الوالدين )
وفي زمان ( النت ) والوقت الحضاري
السعيد اللي يزور الأقربين
السعيد اللي سأل : يا وين جاري ؟!
هو مريض اليوم وألا أنه حزين
والسعيد اللي يقول ولا يماري
ما يهزّه غير ربّ العالمين
والسعيد اللي يصدّ ولا يجاري
غير في حقٍ وإذا جارى رزين
السعيد يخلي الخلق التجاري
ويقتدي بأخلاق خير المرسلين
والتواضع شئ راقي واختياري
لو عرف الإنسان أنه كان طين
ولو كتبت الشعر ما ينقص وقاري
قد تركت الغثّ واخترت السمين
والشعار اللي تخيّرته شعاري
(( السعيد اللي يعيش وفيه دين ))
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.