على كثر القصيد وكثر ماجاب الخيال افكار
تعبت ومالقيت إلا ثمان أشياء تشبه لك
نور الشمس لون الغيم طهر الما وصمت النار
لين الورد فجر العيد ملك وإنسان ياسهلك
وإذا كان العنا رحله بأسميك أخر المشوار
وإذا صارالبخل عمر الجزايل فأسمك المهلك
تجين أحلى من البشرى تغيبين وتشين الدار
هديه للزمن جيتي من اله عن طريق أهلك
صحيح المدح لو يقدر يقوم بنفسه ويختار
غدا عباد شمس لا لمح زولك توجه لك
ضيا تسعين شمس وألف بدر ونجمتين كبار
أخاف أقول ظلك واظلمك والعز كله لك
غيوض ومايغيض النرجس إلا ضحكة النوار
(....)والجود لو يفنا فنا من زود حبه لك
ورثتي مجد أبوك وجاك(.....)زينة المنجار
أبو خيرين دماح الخطا والعمر مده لك
أنا وش عاد أقول صرت في وصف الغلا محتار
شعور ماقدر ياصل سماك وقلت ازمه لك
وعلى كثر القصيد وكثر ماقلنا من الأشعار
عجزت ومالقيت إلا سموك بس تشبه لك
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.