ليت يدري

فدوة لك كل وجه قد لقيته
في بعادي عنك يا حبي الكبير

في غيابك الشقا..كله شقيته
وقلبي اللي تذكره..ماهو بخير

كم صعيب بعد فرقاكم مشيته
وكم حلم بقربكم..عيا يصير

زرع عمري في خيالي قد سقيته
بالحزن..والهم..واللوم الكثير

وفي عيوني مثل أشواقي رعيته
وخانت الأيام..مجروح الضمير

قال:فرقى..وقلت:يرخص مابغيته
عادتي ماكنت في قوله أشير

ناوي ذبحي..وأنا..حبه..نويته
ناوي غدري..وأنا كنت الغدير

تذرف دموعي إلى مريت بيته
واذكره وأبكي على ظلم المصير

باتعزز في الملا إني نسيته
وليلي الذكرى..وأنا فيها أسير

ولين شفته باتناسي مابنيته
وكيف كان الحب الأول والأخير

كيف..باع..وكيف بأنفاسي شريته
كيف دمرني مثل بيت صغير

ليت يدري..ماطوى قلبي ياليته
وليت أدري عن سبب لغز يحير

هو سلاني..واشهد إني ماسليته
خالي باله..وأنا..بالي كسير