خلق فريد

الله ياهذا الزهر انتي
بالشكل بالنفحات بالإجماع
مافي جمالك شي.. به كنتي
خلق ٍ فريد وتعطش الأصباع ..!
 
 
 
يااللي تمكنتي ومكّنتي
فيمن يرى.. مايقلب الأوضاع
ان قلت في ماشفت..لاهنتي
يبْيَض حبري والورق شعّاع..!
من خيزرانك يوم به بنتي
يابلوة الفستان لامن ضاع
هو الترف بك لان او لنتي
فيه.. وشهق من طلتك ملتاع !
ابسألك يااللي تسوسنتي
على الهوا تمشين والا القاع ؟
"من شاف عاف ".. وكيف دونتي
"من شاف ماطاف " ووقف طماع..!.