والله لابقى

ودّي ابل العين من ريق شوفك
وانسى ضما شوقٍ تزايد من سنين

مير البلا لاصارعذرك ضروفك
وش يسقي عيون الهوى الا المحبين

إن كان ودّك من سواتك اعوفك
ببقى ولوِّك تاخذ (إ) يسار ويمين

جال الغدير اللي تبنّى وصوفك
اضحى سرابٍ واطرده منك للحين

وانا اعرف انه يالغلا من طيوفك
وآقول يمكن يرحم الحال ويلين

تدري بقلبي ياحبيبي يروفك
لاصار عندي للمحبّه قوانين

مارتاح لين يدي تحضن كفوفك
وتروي غرام بداخلي له بساتين

حتى تقول ارجوك هدّ بحروفك
وآقول صبرك توّنا الحين بادين

وان كان حبي مادخل وسط جوفك
تبقى المحبه من محبّة هل الدين

حتى ولو تشهر بوجي سيوفك
وتعيد وقتٍ احتضن حرب تشرين

دوك انهزامي من قبل لا يلوفك
خوفٍ يلخبط في حياتك موازين

بشاركك في كل همّك وخوفك
الين حالك يعتدل معك ويزين

حتى القدر لو حال من دون شوفك
والحظ مال وكل ماله معي يشين

والله لأبقى لين تعلن وقوفك
أو بالمقابر عني الناس مقفين