غبت لـ علي البلوي

غبت - علي البلوي

غبت وتركت بداخلي هم وجروح
وعينٍ تعاف الشوف بعد القطاعه

العلم بيّن والهوى صار مفضوح
ودّي اخبي بس وين الشجاعه

لأجلك بنيت آمآل واحلام وصروح
والهم فيني زايدٍ ف/ إتّساعه

كنت احسب اني وانت روحين في روح
راضين نملك كنز اسمه قناعه

وكنت آتصنع سر وآجيلك آبوح
ودّي بشوفك لو هي (إ)بربع ساعه

ماكنت احسب إنّك كذا ودّك تروح
وإنك تبي تقتاد قلبي (إ) ل/ ضياعه

الين ماشفتك على فرحي تنوح
واليا بكيت تزيد حزني فضاعه

وقف حبيبي خلّها ضحك ومزوح
ولا لا تخلي الهم يفرد شراعه

وإن كنت ناوي تهجر العين وتروح
امّنتك الله هاك قلبي وداعه

كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
التعليقات المنشورة غير متابعة من قبل الإدارة. للتواصل معنا اضغط هنا.