خيرك سبق وقفتك والله هـو المغنـي - بنت ابوها

خيرك سبق وقفتك والله هو المغني
متزملينك أنا والعمروأحلامي

جمعتك للحظةٍ توفي وتسندني
وسندتني أنت للحرمان وأوهامي

ماأنته بلي ليش تتجرأ وتوعدني
أكوسر الحزن بين البردوعظامي

ماأنته بلي ليش توعدني وتتركني
وأنت تعرف حجم طعم الذل بأيامي

خيرك سبق غيبتك لاتقول واااحشني
جب مفرده مثل طعم البعد إجرامي

عصفورة الشوق ماحنيتي لغصني
صاحبك عوّدعليك وحيل لك ظامي

ماتت وهي تنتظر وتقول لك عطني
ماهوب عادي تموتك غبن قدامي

عصفورة الشوق ماتت وأنت وش يعني
لاالذنب ذنبك ولاتحتاج لمحامي

لحظه أبسألك وأرجو ماتواخذني
من ليلة الدمع مابللتك آلامي

سحابة الجرح تبرق لين تمطرني
عادأنت في يوم شفت إن المطر دامي

خيرك سبق فزعتك لي في بلدحسني
مالي خيارات والحرمان إلزامي

أصغي إلي فلا دمعي غسل حزني
لايغسل الدمع حزناً بات متنامي

© 2024 - موقع الشعر