شفايفه ولا تقول خمرت الكاس - عدنان العنزي

يا وجه(ن) لونه كما لمعت الالماس
يحتار من شافها ويصير محتاسي

تقبل على درب(ن) تشتغل فيه أجراس
ويقوم كل البلد من صوت الاجراسي

حلاها والله شغل فيني هوجاس
نظرت عيونك تخنق كل الانفاسي

بديت أوصف وأسطر على قرطاس
واكتب قصيد(ن) اعبر عنه إحساسي

جديل(ن) أسود يلين منه الياس
طويل(ن) حد الظهر ما يخفيه لباسي

الطول مع وزنها متساوي القياس
جربت أعدل أبد هو نفس القياسي

شفايفه ولا تقول خمرت الكاس
من كثر ما ذقت ريقها فضى كاسي

محبوبت الكل وتنور كل مجلاس
من زود نوره تعدت حد نبراسي

عليها طبع(ن) يخالف طابع الناس
مع ذوق(ن) في لبسها وصوت حساسي

محلاك يا خلي من راسك لين الساس
كلمة مزيونه قليله يا بعد ناسي

جمالك سبب لبعض الناسي إفلاس
ومحدن وصلك لا هيفاء ولا نانسي

يا وجه(ن) لونه كما لمعت الالماس
لا تغيب عني ولا تصير متناسي

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • للتواصل مع ادارة موقع الشعر إضغط هنا.
© 2020 - موقع الشعر